Slovjani, najviše velika semja od evropejske narodi, s naselenije više než 250 milioni človeki, ktore žijut najveliko v Voshodna i Sredn'a Evropa, v velika čast' od Balkanski poloostrov, i za Ural'ske gori v Azija.
Slovjanska jazikova grupa s jej mnoge dialekti, jest' čast' od semja od Indo-Evropejske jaziki. Tamta grupa može bit' rozdelena v Voshodno-slovjanka vetv, ktora jest' formovana od Ruski, Beloruski i Ukrajinski jaziki; Zahodno-Slovjanska vetv, ktora jest' formovana od Pol'ski, Česki i Slovacki jaziki; i Južno-slovjanska vetv, ktora jest' formovana od Slovenski, Serbo-Horvatski, Makedonski i Bulgarski jaziki.
Počatok od Slovjani[]
Rane slovjani bili nejaka grupa od zemjedel'niki i pasniki, ktore žili v blota i lesi od tutčasne voshodna Pol'ska, zahodna Rosija, Belorus, i Ukrajina. Od okolo 150 n.e. Slovjanske plemena počali rozšir'at' sja v vse stroni. Na sever, oni šli po reki prez lesi od tutčasna Rosija, i zajmovali teritorija naselena od Finske i Baltijske narodi, i mnoge iz nih oni asimil'ovali. Na zahod, oni stretili Germanske i Kel'tske plemena i zajmovali mnoge zemji od Sredn'a Evropa. V sedmo stoletije Slovjani dosegnuli na jug aždo Jadransko i Egejsko mora. Nasledujuče dve storoletija oni naselili najviše velika čast' od Balkanski poloostrov, potom čast' od Bizantska imperija, vimeščajuče mestno naselenije, i slovjanujuče pribivajuče narodi (naprimer Bulgari). Na voshode, v konec od 16o stoletije, Rusi už obezpečili opora za Ural'ske gori v Azija, a v 19o stoletije Slovjanska kul'tura dosegnula Tihi okean.
Religija i Kul'tura[]
Jestli drevne Slovjani pravdopodobno mali značna rasova i kul'turna homogennost', to tutčasne slovjani su spojene glavno po ih jazikovo rodstvo i soznanije od ih jedini počatok. Široki kontakt s rozlične narodi mal gluboki efekt na rasovi i kul'turni rozvoj od Slovjani. Tutčas, slovjanske narodi demonstrujut više velika roznorodnost' i v ih fizični tip i kul'tura než vsejaka ina grupa od Evropej’ci.
Hrist'anstvo bilo najpervo predstaveno k Slovjani od grečke misionari v 9o i 10o stoletija. Ale Slovjanski religijni rozvoj premenil sja posle rozdelenije od Voshodna i Zahodna cerk’vi v 1054. Slovjani stali objekt od borba medžu Rimski katolicizm i voshodna Pravoslovna cerkev. Katolicizm i zahodna kul'tura pobedili vsred Pol'aki, Slovaki i Čehi (hot'až pozdnej Čehi značno mali na sobe efekt od Reformacija, i tutčas oni su jedinstveni Slovjanski narod s velika protestantska menšina). Na Balkani, Sloven’ci i Horvati takže dali ih vernost' k Rimski Katolicizm i padli v sfera od central'na evropejska civilizacija. Serbi, Makedon’ci, Bulgari i najvelikost' od Voshodne Slovjani sjedinili sja k Pravoslovna cerkev, i prijmali mnoge aspekti od bizantska kul'tura, vkl'učajuče adoptaciju dl'a sebe od Grečki alfabet (Kirilica).
V 14o stoletije Tur’ci Otoman’ci pokorili velika čast' od jugo-voshodna Evropa. Zemji ktore tutčas su Bosnija i Hercegovina, Bulgarija, Horvatija, Makedonija, Serbija i Černa Gora ostavali sja pod turecka vlada aždo 1912. Četiri stoletija od turecko dominovanije mali gluboki efekt na balkanske Slovjani, mnoge iz ktore bili nasil'no konvertovane v Islam. Tutden', najvelikost' od Slovjanske muslimani žijut v Bosnija i južna Bulgarija.
Hot'až Slovjani vitvorili nekol'ko sredn'ovekove krolevstva medžu 9o i 11o stoletija, velika čast' od ih posledujuča istorija bila harakterizovana od pokorennost' k ine deržavi. Tutčasne Slovjanske štati pomnogo su rezul'tat od rozrušenije od Avstro-Vugorska i Otomanska imperiji posle Perva svetova vojna. Izkl'učajuče Čehi, Slovjani prevažno ostavali agrarne narodi aždo sredina od 20o stoletije. Posle Druga svetova vojna, najvelikost' od Slovjanske narodi padla pod sovetska sfera od vlada, i marksistične vladsva vitvor'ali ambicijne programi od industrializacija i urbanizacija. V konec od 1980e i počatok od 1990e leta, s rozrušenije od Sovetski sojuz, mnoge evropejske štati pošli k nezaležne demokratične vladstva. V nektore zemji, osobo v bivša Jugoslavija, toj prehod inicioval konflikt mež Slovjani od rozne nacional'ne i religijne grupi.